Jazba ham qisman ruh va tan, nafs va qalbning ajralgan, bir-birini inkor etgan onidagi holatdirki, undagi she’rlar sinchi she’rxonning sokin tortib qolgan falaj tuyg‘ularini tuyqus uyg‘otib, tasavvur torlarini dag‘allik bilan cherta ketadi. Avj tobora ko‘tarilib boraveradi, alaloqibat o‘quvchi, she’r va muallif bir vujudda birlashadilar. Haqiqiy jazba, aslida, ana shu vahdatga eltar yo‘ldir. Mazkur to‘plamdan shoir Jontemirning 150 ga yaqin she’rlari o‘rin olgan.